Licenciado en Xeografía e Historia na especialidade de Prehistoria pola Universidade Complutense de Madrid en 1987, é diplomado en Conservación e Restauración na especialidade de Arqueoloxía pola Escuela Nacional de Conservación y Restauración de Bienes Culturales de Madrid e Doutor en Historia pola UNED.

A súa tese de doutoramento versa sobre a conservación de pintura megalítica co título “El arte parietal en monumentos megalíticos del noroeste peninsular: dimensión del fenómeno y propuestas de conservación”.

Ten dirixido diferentes proxectos de investigación e escrito numerosos artigos e traballos sobre conservación de espazos arqueolóxicos, con especial interese na conservación da arte prehistórica.

Dende o ano 2011 é o Director da Escola de Restauración e Conservación de Pontevedra, onde imparte as especialidades de pintura, arqueoloxía e escultura.